https://picks.ge/ ge PICKS.GE სპორტული პროგნოზები, სპორტული სიახლეები DataLife Engine https://picks.ge/132--england-vs-switzerland.html https://picks.ge/132--england-vs-switzerland.html
ტრადიციულად ინგლისის ნაკრები განაგრძობს ინგლისური ფეხბურთის უზენაესობის საპირისპიროს მტკიცებას. მიუხედავად იმისა, რომ ინგლისის ნაკრებს ფურცელზე სახელებით და გვარებით ერთ-ერთი გამორჩეული ნაკრები ყავს, გუნდი გერმანიაში ძალიან ცუდათ გამოიყურება და უსაშინლეს ფეხბურთს აჩვენებს. მეტიც, მერვედფინალში სულ რამდენიმე წუთი დააკლდა სლოვაკეთს ინგლისის ნაკრების ჩემპიონატიდან მოსაკვეთად. დიახ, არ მოგესმათ სლოვაკეთს, სულ რაღაც 2 წუთი, რომ გაეძლო ინგლისის ნაკრები ჩემპიონატის ყურებას საკუთარი ტელევიზორის ეკრანიდან განაგრძობდა. არც ჯგუფურ ეტაპზე დაუტოვებია ინგლისს კარგი შტაბეჭდილება. გუნდმა 3 თამაშში 2 გოლი გაიტანა და ერთი მოგებითა და ორი ფრით ჯგუფიდან გასვლა მოახერხა. მათ თამაშს, რომ ვუყურებ, ისეთი შტაბეჭდილება მრჩება, რომ თითქოს მაქსიმალურად ცდილობენ შეცდომა არ დაუშვან, და უფრო მეტად ამაზე არიან ფოკუსირებულნი ვიდრე იმაზე რომ ფეხბურთი ითამაშონ. ეს უფრო ფსიქოლოგიურ მომენტს ჰგავს, რასაც მწვრთნელმა უნდა უშველოს, მაგრამ საუთგეიტი ვერ გამოდგა ჯერ-ჯერობით შესაბამისი, სწორი კანდიდატი.

რაც შეეხება შვეიცარიას, ამ გუნდზე კარგის მეტი არაფერის თქმა არ შეიძლება. ჩატარებულ 4 მატჩში, გუნდმა 7 გოლი გაიტანა. ამ 4 მატჩში, მასპინძელ გერმანიას ფრე ეთამაშა, ხოლო მერვედფინალიდან იტალია გაისტუმრა სახლში. გუნდი ლამაზ, გახსნილ და შემტევ ფეხბურთს თამაშობს. არც ფავორიტებთან აყენებენ ავტობუსს და ეს ყველაფერი მშვენივრად გამოსდით.

დღევანდელი მატჩი საკმაოდ საინტერესო გამოვა, რადგან ვფიქრობ, რომ ჯერ-ჯერობით ინგლისის ნაკრებს, ამ ჩემპიონატზე შვეიცარიის დონის მოწინააღმდეგე არ შეხვედრია. თავის მხრივ კი შვეიცარიამ წარმატებით გაიარა გერმანიისა და იტალიის ბარიერები, რაც მათ განწყობაზე პოზიტიურად იმოქმედებს. ვფიქრობ, საკმაოდ დაძაბული და ორმხრივი მატჩი იქნება. ჩემი აზრით, შვეიცარია აუცილებლად მოახერხებს გოლის გატანას, რასაც ინგლისის მხრიდან მეტი შეტევა და რისკზე წასვლა მოყვება. ამ დროს მიცემულ შანსებს რამდენად გამოიყენებს შვეიცარია, ეს უკვე სრულიად მათზეა დამოკიდებული. ასევე მგონია, რომ ინგლისი თუ რადიკალურად სხვა ფეხბურთს არ შემოგვთავაზებს, ამ წყვილიდან შემდეგ ეტაპზე შვეიცარიას ვიხილავთ.

რაც, შეეხება ჩემს პროგნოზს, ბევრი ვიფიქრე, რა სცენარით შეიძლება გავითარებულიყო მატჩის მიმდინარეობა. საბოლოოდ კი ორივე გუნდის გოლის გატანაზე შევაჩერე პოზიცია. ვფიქრობ, შვეიცარიამ დაამტკიცა, რომ გოლების გატანა ყველასთან შეუძლია. ინგლისი, კი მიუხედავად იმისა, რომ ცოტა მოკრძალებულად ეკიდება გოლების გატანას, წინა მატჩიდან გამომდინარე, სადაც ლამის დაემშვიდობნენ ევროპის ჩემპიონატს, უფრო მეტად იქნება გოლზე მომართული.

ჩემი პროგნოზი: ორივე გაიტანს ]]> Gaucho Sat, 06 Jul 2024 18:09:36 +0400 https://picks.ge/131-turkey-vs-georgia.html https://picks.ge/131-turkey-vs-georgia.html
არ გკითხავთ ვინ მოიგებს ამ მატჩსთქო. არ მეგულება ქართველი ვინც თურქეთზე ჩამოვა ფსონს. რა თქმა უნდა მთელი გულითა და სულით საქართველოს გამარჯვების გვჯერა და ვგულშემატკივრობთ.

დღეს უკვე ფეისბუქზე დავწერეთ, რომ ამ მატჩში ბევრ ჯარიმებს ველით. საკმაოდ დაძაბული თამაში უნდა გამოვიდეს ჩვენს მეზობელ თურქეთთან. არამგონია, მატჩი ისე წარიმართოს, რომ რომელიმე გუნდი დიდი ანგარიშით გავიდეს წინ. ალბათ უფრო ერთი გოლის სხვაობის თამაში იქნება. ისტორიაში ასევე პირველად მატჩის არბიტრი არგენტინიდან იქნება. ვფიქრობ რომ ბიჭები არაფერს დააკლებენ აუთსაიდერად მონათლული ნაკრების საუკეთესო თამაშის საჩვენებლად. ყველაზე კარგად თავად იციან რას მიაღწიეს და რა დევს სასწორზე. ამიტომ მგონია, რომ ჩვენი მხრიდან ბრძოლა იქნება ბოლომდე, აი ისე როგორც ბუდუ ბრძოლობდა თავით, თან წაქცეული. თავის მხრივ არც თურქეთი ითამაშებს ამხანაგურ მატჩს. ჯგუფში პორტუგალია გვყავს და არამგონია თურქებს მათთან 3 ქულა ჰქონდეთ დაგეგმილი. იმის ფონზე რომ ჩვენც საკმაოდ უხეშად ვთამაშობთ და ამავდროულად არც თურქები ჩამოგვივარდებიან, ვფიქრობ რომ მატჩში 5 ბარათი უნდა წამოვიდეს. აქ კვარას კონტრშეტევებსაც დავამატებდი და ასევე მის მებრძოლ და ხშირად მსაჯებთან მოკამათე ხასიათს და ვიტყვი რომ ამ ბიჭის მოედანზე ყოფნა მინიმუმ 2 პოტენციურ ბარათს უდრის. თან 5 ბარათი 2.0 კოეფიციენტად კარგი არჩევანი მგონია.

ჩვენი პროგნოზი: 4.5 მეტი ბარათი ]]> Gaucho Tue, 18 Jun 2024 15:57:18 +0400 https://picks.ge/130--porto-vs-barcelona.html https://picks.ge/130--porto-vs-barcelona.html
H ჯგუფში, ბარსელონას და პორტოს გარდა, დონეცკის შახტარი და ანტვერპი ასპარეზობენ. დიდი ალბათობით და რეალურად თუ შევხედავთ ამ ჯგუფის მდგომარეობას, პორტო და შახტარი ჩემპიონთა ლიგის პლეიოფის ერთი საგზურისათვის იბრძოლებენ, ხოლო ბარსელონა შედარებით მარტივად უნდა გავიდეს ჯგუფიდან.

ბოლო წლების ჩემპიონთა ლიგაზე განცდილი წარუმატებლობების შემდეგ, ჩავიმ კარგად იცის, რომ გუფიდან ვერ გასვლასა და არადამაჯერებელ თამაშს მას არ აპატიებენ და ბარსაში სამუშაო ადგილსაც დაკარგავს. ვერც ფეხბურთელებზე დაიწუწუნებს, რადგან საკმაოდ კარგი და დაბალანსებული შემადგენლობა ჰყავს. ბარსას პატარებიც ნელ ნელა წამოიზარდნენ, გამოცდილებაც მოემატათ და მოტივაციაც საკმაოდ მაღალი აქვთ, იმისა რომ გუნდი იმ მწვრევალზე დააბრუნონ სადაც მანამდე იყო. ვფიქრობ, რომ გუნდის და სამწვრთნელო შტაბის მოტივაცია იქნება, რომ ჯგუფიდან პირველი ადგილით გავიდნენ. ჯგუფური ეტაპის პირველი მატჩი, გუნდმა ანტვერპის წინააღმდეგ ჩაატარა და საკმაოდ დამაჯერებლად 5-0 მოიგო. ესპანეთის ჩემპიონატშიც, მშვენიერ ფეხბურთს აჩვენებს გუნდი და ამ მატჩს საკმაოდ კარგ ფორმაში ხვდება.

პორტომ, ჯგუფური ეტაპის პირველი მატჩი სტუმრად შახტართან გამართა და 3 ქულის მოპოვება მოახერხა. ამ მინი დუელის პირვეი 3 ქულა პორტუგალიელებს ერგოთ, რაც საკმაოდ კარგ ფორას აძლევთ შემდეგ ეტაპზე გასასვლელად. პორტუგალიის ჩემპიონატი, გუნდმა საკმაოდ კარგად დაიწყო, თუმცა ბოლო მატჩი ბენფიკასთან სტუმრად გამართა და მინიმალური სხვაობით 0-1 დამარცხდა.

ვფიქრობ, რომ საკმაოდ საინტერესო მატჩი ელის მაყურებელს. ბევრი ორმხრივი შეტევით, ბევრი უხეშობით, ბევრი ორთაბრძოლით დახუნძლული მატჩი უნდა გამოვიდეს. მაგრამ, მგონია, რომ ბარსელონა არ გარისკავს და საქმეს სერიოზულად პირველივე ტურებიდან მოეკიდება. ვფიქრობ, რომ ბარსელონა ამ მატჩში 3 ქულას მოიპოვებს და ნელ ნელა გუნდი შეეცდება წინა სეზონების სირცხვილის ჩამორეცხვას. ასეთ თამაშებში უნდა დაამტკიცოს ჩავიმ, რომ ბარსას თავკაცობას იმსახურებს და ამავდროულად ფეხბურთელებმა უნდა დაამტკიცონ, რომ პლეიოფებში წამრატება თუ სურთ, მინიმუმ პორტოს დამარცხება უნდა შეძლონ. ამიტომ, ვფიქრობ, რომ ბარსა მოედანზე ძალიან მოტივირებული და შემართებით გამოვა.

ჩვენი პროგნოზი: მოიგებს ბარსელონა
]]> Gaucho Wed, 04 Oct 2023 14:54:21 +0400 https://picks.ge/129--benfica-vs-zalzburg.html https://picks.ge/129--benfica-vs-zalzburg.html
ჯგუფზე და გუნდებზე, უკვე ვისაუბრე სოსიედადი - ინტერის მატჩის პროგნოზის განხილვაში, შესაბამისად ამ განხილვაში ბევრს არ ვისაუბრებ და პირდაპირ პროგნოზზე გადავალ.

როგორც, უკვე ვახსენე ჯგუფში მონაწილე გუნდების და დაძაბულობის გათვალისწინებით, ვფიქრობ, რომ ამ მატჩშიც საკმაოდ ბევრი უხეშობა და ბევრი ბარათი გვექნება. მატჩის არბიტრი თურქი ჰალილ უმუტია, რომელსაც ბარათების ჯიბიდან ამოღება ნამდვილად არ ეზარება. ამ მატჩშიც ჩემი აზრით ბევრი ბარათი უნდა ვიხილოთ.

ჩვენი პროგნოზი: 4.5 მეტი ბარათი (აქაც 5.5 მეტი ბარათის აღებაც შეიძლება) ]]> Gaucho Wed, 20 Sep 2023 14:24:56 +0400 https://picks.ge/128--real-sociedad-vs-inter-milan.html https://picks.ge/128--real-sociedad-vs-inter-milan.html
დ ჯგუფში საკმაოდ კარგი და კონკურენტუნარიანი გუნდები მოხვნდნენ. შეიძლება ითქვას, რომ ეს ჯგუფი სიკვდილის ჯგუფია. 4 ივე გუნდი საკმაოდ გამოცდილი, კარგი ფეხბურთელებით დაკომპლექტებული და ფლეი ოფების საგზურის მოპოვებისთვის მაქსიმუმის გამღები გუნდებია. ინტერი, სოსიედადი, ზალცბურგი და ბენფიკა, პირველი ორი ადგილისთვის იბრძოლებენ, რათა ფლეიოფებში თამაში მოახერხონ.

რეალ სოსიედადი, ბოლო წლებში საკმაოდ სტაბილურ გუნდად ჩამოყალიბდა, რომელსაც საკუთარ კედლებში თამაში ძალიან კარგად გამოსდის. ლა ლიგაში გუნდმა 5 მატჩი ითამაშა 6 ქულა მოიპოვა. უნდა ვთქვათ, რომ ბოლო ტურში მადრიდის რეალს ესტუმრა და მატჩი 2-1 დათმო. მიუხედავად იმისა, რომ მატჩი სტუმრად გამართა, ბლანკოსის წინააღმდეგ გუნდი საკმაოდ კარგად გამოიყურებოდა როგორც შეტევაში ასევე დაცვაში და ანგარიშს თუ არ გავითვალისწინებთ, საკმაოდ თანაბრად ეთამაშა.

მილანის ინტერმა, სერია ა საკმაოდ დიდი წარმატებით დაიწყო. ჩატარებული 4 მატჩიდან, 4 ივეს მოგება მოახერხა, მათ შორის მილანი და ფიორენტინა საკმაოდ დამაჯერებლად დაამარცხა.

ვფიქრობ, რომ ორივე გუნდს კარგად ესმის, რამდენად მნიშვნელოვანია თუნდაც ერთი ქულის მოპოვება ამ ჯგუფში და ყველა მატჩში თავდაუზოგავი შრომა მოუწევთ ქულების მოსაპოვებლად. ამ ჯგუფში შეცდომის დაშვება არც ერთ გუნდს არ ეპატიება. ვფიქრობ, რომ ინტერს, მიუხედავად ასეთი კარგი სტარტისა, მარტივი გასეირნება ნამდვილად არ ელოდება ესპანეთში. სოსიედადი პირველ მატჩში ყველაფერს გააკეთებს იმისთვის, რომ მინიმუმ ერთი ქულა აიღოს.

ჩემს არჩევანს მატჩში ბარათებზე შევაჩერებ. როგორც უკვე ვისაუბრე, ამ ჯგუფში თითოეულ ქულას გადამწყვეტი მნიშვნელობა ექნება და ყველა ფეხბურთელს მაქსიმუმის გაღება მოუწევს მოედანზე. ეს რა თქმა უნდა ფეხბურთელებმაც და მწვრთნელებმაც ჩვენზე კარგად იციან, შესაბამისად არამგონია ბარათებს ან ხისტ თამაშს მოერიდნონ, როცა სასწორზე ჩემპიონთა ლიგის ჯგუფური ეტაპია. შეხვედრის არბიტრი ინგლისელი ოლივერია, რომელსაც ცოტა უცნაური მიდგომა აქვს ბარათებთან დაკავშირებით, თუმცა ინგლისში საკმაოდ ხშირად არიგებს ბარათებს და შესაბამისად თუ შანსი მიეცემა არც ამ თამაშში იტყვის უარს.

ჩვენი პროგნოზი: 4.5 მეტი ბარათი (შესაძლებელია 5.5 მეტის აღებაც)

]]> Gaucho Wed, 20 Sep 2023 13:59:40 +0400 https://picks.ge/127--.html https://picks.ge/127--.html
ჩემპიონატი ორივე გუნდმა 3 ქულით დაიწყო. ექსელსიორმა, ყველასთვის მოულოდნელად, საკმაოდ დაძაბულ და დრამატულ მატჩში, ნაიმეგენი სტუმრად 4-3 დაამარცხა. მატჩი გარდამავალი უპირატესობით მიმდინარეობდა, როგორც გატანილი გოლების ასევე მომენტების მიხედვით. საბოლოოდ, მატჩს ბოლო წუთებზე თითქმის ყველა შეთანხმებული იყო რომ მატჩი ფრედ 3-3 უნდა დასრულებულიყო, თუმცა ექსელსიორმა 99 წუთზე გოლი გაიტანა და პირველი 3 ქულაც ჩაიწერა აქტივში.

აიაქსმა, პირველ ტურში ჰერაკლესს უმასპინძლა. ვისაც მატჩი არ უნახავს და ანგარიშით ისმჯელებს, იტყვის რომ ამსტერდამელებმა საკმაოდ მარტივად და კომფორტულად მოიგეს, თუმცა ეს ასე ნამდვილად არ ყოფილა. მატჩში სტუმრები და წინაურდნენ, თუმცა აიაქსმა მალევე მოახერხა ანგარიშის გათანაბრება პირველი ტაიმის მიწურულს. აიაქსი კოლოსალურ უპირატესობას ფლობდა, თუმცა 75 წუთამდე წინ გასვლა ვერ მოახერხეს. დარჩენილი ორი გოლი კი უკვე გატეხილ და დანებებულ ჰერაკლესს მარტივად შეუგდეს. საბოლოო ანგარიში 4-1 დაფიქსირდა.

ამ გუნდების ბოლო 5 დაპირისპირებაში, 5 ივე აიაქსმა მოიგო, ამასთან საკმაოდ კომფორტულად და დიდი ანგარიშით. ჯამში ამ 5 მატჩში აიაქსმა 27 გოლი გაუტანა მეტოქეს (საშუალოდ 5.4 ერთ მატჩში) და საკუთარ კარში მხოლოდ 6 გოლი მიიღო (საშუალოდ 1.2 მატჩში). ამ სტატისტიკას და პირველი ტურის შედეგებს თუ გავითვალისწინებთ, ალბათ უსაფრთხო და მარტივი პროგნოზი ამ მატჩში გატანილი გოლების რაოდენობაზე თამაშია, თუმცა 2.5 მეტს საკმაოდ დაბალ კოეფიციენტს ანიჭებენ, შესაბამისად ნორმალური კოეფიციენტის მისაღებად მინიმუმ 4-5 გოლზე აქცენტის გაკეთება იქნება საჭირო, რაც სავსებით მოსალოდნელია, თუმცა ასევე საკმაოდ რისკის შემცველი.

ჩემს დღევანდელ არჩევანს კუთხურების რაოდენობაზე შევაჩერებ. აიაქსი აქტიურად იყენებს ფლანგებს შეტევების განვითარებისთვის, მეტიც ექსელსიორის სუსტი დაცვა ძალიან ბევრ შანსს მისცემს აიაქსის ფეხბურთელებს, რათა მათ კარისკენ გაისროლონ, ზოგიერთი დაიბლოკება, ზოგიერთი კარშიც წავა, ზოგიერთი კუთხურზე გადავა. თუმცა ვფიქრობ, რომ მთელი მატჩს ორივე გუნდი შეტევებში გაატარებს. ისიც უნდა ითქვას, რომ ექსელსიორიც ფლანგებს ძალიან აქტიურად იყენებს და საკმაოდ ბევრ კუთხურს აწვდის. აიაქსის დაცვაში, რომ დიდი სივრცეები რჩება, ეს წინა თამაშშიც გამოჩნდა, შესაბამისად ექსელსიორი ეცდება ამ სივრცეების ათვისებას და აიაქსის კარის აღებას. ვფიქრობ, რომ მატჩში ბევრი კუთხური გვექნება. ჩემს პროგნოზს 10.5 კუთხურზე მეტზე შევაჩერებ. ]]> Gaucho Sat, 19 Aug 2023 13:00:31 +0400 https://picks.ge/126--sevilla-vs-valencia-.html https://picks.ge/126--sevilla-vs-valencia-.html
გასულ სეზონში ლა ლიგის ნახევარზე მეტი სევილია საშინლად გამოიყურებოდა. სწორედ ამიტომ სეზონის დასკვნით ნაწილში გუნდში მწვრთნელი შეცვალეს და ხოსე მენდილიბარის მეთაურობით გუნდმა იმაზე მეტი ქულა დააგროვა ვიდრე სეზონში მანამდე ჰქონდა. ამავდროულად სევილიამ საკუთარი სახელობის - უეფას ევროპა ლიგა 7-ედ მოიგო. მენდილიბარმა დაამტკიცა, რომ სევილიას მართვა საკმაოდ კარგად შეუძლია და წლევანდელ სეზონში გუნდი აუცილებლად იბრძოლებს მაღალი ადგილისთვის.

ვალენსიას რაც შეეხება, გუნდი ბეწვზე გადაურჩა ლა ლიგიდან გავარდნას. ერთადერთი ნათელი წერტილი რასაც ვალენსიას ხსენებაზე ვხედავ არის გიორგი მამარდაშვილი. ჩვენებური, რომელიც ღამურებში კარგ გამოცდილებას აგროვებს და საკმაოდ კარგ დონეზე გამოიყურება. ტიბო კურტუას ტრამვის შემდეგ, გიორგის გვარი დე ხეას, კეპასა და ბონოს გვერდით ახსენეს. საინტერესოა რამდენად სერიოზულად განიხილება მისი კანდიდატურა სამეფო კლუბში.

გუნდების ბოლო 5 ურთეირთშეხვედრა 3 შემთხვევაში სევილიას გამარჯვებით დასრულდა, ხოლო 2 მატჩში ქულები გაიყვეს. 5 მატჩიდან მხოლო ერთი მატჩში გავიდა 2.5 მეტი გოლი და ორ მატჩში სევილიამ მეტოქის კარის აღება ვერ მოახერხა.

წინასასეზონო მოსამზადებელ მატჩებსაც თუ გადავავლებთ თვალს, უნდა ითქვას, რომ სევილიამ 8 მატჩი ჩაატარა, ხოლო ვალენსიამ 5. ორივე გუნდმა საკმაოდ კარგი შედეგები აჩვენა, თუმცა ამხანაგური მატჩების შედეგებით დიდი დასკვნების გამოტანა არ ღირს.

ამ თამაშში თავდაპირველად ვფიქრობდი, რომ მამარდაშვილის სეივები კარგი პროგნოზი იქნებოდა. სიმართლე, რომ ვთქვათ არც ეხლა ვფიქრობ სხვაგვარად. ამას თავისი მიზეზები აქვს, ის რომ სეზონის პირველი მატჩია და ყველა ფეხბურთელი ცდილობს მაქსიმალურად კარგად წარმოაჩინოს საკუთარი თავი, ამავდროულად მადრიდის კარის დარაჯის ტრანსფერთან დაკავშირებით საბოლოოდ არაფერია გადაწყვეტილი და თუნდაც რამდენიმე კარგი სეივი შესაძლოა გადაწყვეტილების მიღებაში მნიშვნელოვანი იყოს.

ჩემს პროგნოზს რაც შეეხება, ამ გუნდების ურთიერთდაპირისპირება ყოველთვის უხეშობით გამოირჩევა. ამ ჯერად ბარათებზე არ მექნება საუბარი, ვისაუბრებ უშუალოდ ჯარიმების რაოდენობაზე. სევილია კარგად მოემზადა ამ სეზონისთვის, ფაქტია რომ გუნდი იმაზე მეტად დაიხარჯა ვიდრე ზოგადად იხარჯებიან ხოლმე, ამის დასტურია 8 ამხანაგური მატჩი სეზონის დაწყებამდე. ვალენსიას რაც შეეხება, წინა სეზონში ერთ-ერთი ყველაზე უხეში გუნდი იყო სტატისტიკის მიხედვით. ჩემს არჩევანს ტოტალიზატორების გამოტანილი ტოტალიც უწყობს ხელს. ჩემი გამოცდილებით და ცოდნით ამ მატჩში 1.6-1.7 კოეფიციენტი 30 ჯარიმიდან უნდა იწყებოდეს, თუმცა 26 ჯარიმას 1.6 კოეფიციენტით აფასებენ, რაც მგონია რომ საკმაოდ გულუხვი კოეფიციენტია. ვისაც რისკი გიყვართ 27-28 ჯარიმაც საკმაოდ რეალურია.

ჩემი პროგნოზი: 25.5 მეტი ჯარიმა ]]> Gaucho Fri, 11 Aug 2023 18:30:03 +0400 https://picks.ge/125--almeria-vs-rayo-.html https://picks.ge/125--almeria-vs-rayo-.html
საფეხბურთო არდადეგებმა საკმაოდ სწრაფად გაირბინა და ევროპის წამყვან ქვეყნებში საფეხბურთო ჩემპიონატები ბრუნდება. დღეს, 11 აგვისტოს ლა ლიგის 2023-2024 წლის სეზონის პირველი მატჩი გაიმართება. კარგი იქნებოდა გახსნითი მატჩი სახელოვანი დიდი კლუბების მონაწილეობით ყოფილიყო, თუმცა დიდ ფეხბურთს მონატრებული მაყურებელი არც ალმერიასა და რაიო ვალეკანოს დაპირისპირების ნახვაზე იტყვის უარს.

ზოგადად ახალი სეზონის პირველი მატჩები რთული გასაანალიზებელია, უფრო სწორად გასაანალიზებლად მარტივია, თუმცა რა შედეგი დადგება ან რამდენად ახლოს იქნება ანალიზი ეგ არის რთული სათქმელი. პირველ ტურებს, ყოველთვის ახლავს კონსპირაციები (თუმცა რეალობასთან საკმაოდ ახლოს მყოფი) ტოტალიზატორების ჩართულობასთან დაკავშირებით. ასევე, რთულია განსაზღვრო, რომელი გუნდი როგორ მოემზადა და რეალურად რამდენად მზად არიან სეზონის დასაწყებად.

შესავალი იქეთ იყოს და გადავიდეთ პირდაპირ საქმეზე. ალმერია გასულ სეზონში სასწაულებრივად გადაურჩა სეგუნდა დივიზიონში დაქვეითებას. ესპანიოლთან ბრძოლაში აღებული 1 ქულა საკმარისი აღმოჩნდა, რომ გუნდი ლა ლიგაში დარჩენილიყო. ზაფხულის აქტივობას თუ გადავავლებთ თვალს, გუნდი არ გაძლიერებულა, პირიქით მთავარი თავდამსხმელი ბილალ ტურე გუნდიდან წავიდა. სიახლე ის არის, რომ ალმერიას ახალი მთავარი მწვრთნელი ყავს, ვისენტე მორენო, რომელმაც გუნდი პრე-სეზონზე მოამზადა და შეეცდება შარშანდელის მსგავსად მიმდინარე სეზონში გუნდი ლა ლიგაში დატოვოს.

რაიო ვალეკანოც ახალ სეზონს ახალი მწვრთნელით შეხვდება. ფრანცისკო შეეცდება რაიო ვალეკანოს წინა წლების შედეგები გააუმჯობესოს და როგორმე გუნდი ევრო თასების ზონაში შეიყვანოს. უნდა აღინიშნოს, რომ რაიო გასულ სეზონში სტუმრად საშინლად გამოიყურებოდა, შესაბამისად თუ კლუბს ევრო თასების ადგილისთვის ბრძოლა აქვს გადაწყვეტილი, ამ სეზონში სტუმრად უკეთ თამაში მოუწევთ.

წინა სეზონის ურთიერთდაპირისპირებებში გუნდებმა საკუთარი მოედნის უპირატესობა გამოიყენეს და 2 მატჩში თითომ 3 ქულა ჩაიწერა. ალმერიამ სახლში რაიოს 3-1 სძლია, ხოლო სტუმრად 0-2 დამარცხდა.

გუნდების წინასასეზონო მატჩებს თუ გადავავლებთ თვალს, ვერაფრით ვიტყვით, რომ რომელიმე მათგანი განსაკუთრებულად კარგ ფორმაშია და ფავორიტი უნდა იყოს ამ მატჩის. ერთი ფაქტი კი თვალშისაცემია, რაიომ აშკარად რამდენიმე თავით ძლიერ მეტოქეებთან გამართა ასპარეზობა ვიდრე ალმერიამ და გუნდს არცერთ მათგანთან თავი არ შეურცხვენია.

პროგნოზს რაც შეეხება, ვფიქრობ, რომ ორივე გუნდი 3 ქულისთვის გამოვა მინდორზე. ალმერიამ წინა სეზონში, რაიო საკუთარ მოედანზე დაამარცხა და ეს ფაქტი ასე თუ ისე პოზიტიურად იქნება მათ გონებაში დალექილი. თუმცა, თუ გავითვალისწინებთ, რომ ორივე გუნდს ახალი თავკაცი ყავს შესაძლოა, რადიკალურად სხვა ტიპის ტაქტიკური და გუნდური თამაში ვიხილოთ. ახალი მწვრთნელის ფაქტორი ასევე იმოქმედებს ფეხბურთელებზე, რადგან პირველივე ოფიციალური მატჩიდან უნდა მოინდომონ მაქსიმალურად, იმისთვის რომ ახალი მწვრთნელების გუნდის განუყოფელი ნაწილი გახდნენ და ძირითადში ადგილი დაიმკვიდრონ. შესაბამისად ვფიქრობ, რომ მოედანზე ვიხილავთ ნამდვილ შერკინებას, შეგვიძლია ნამდვილი ომიც ვუწოდოთ. ამ მატჩს როცა შევხედე პირველი რაც გავიფიქრე იყო ჯარიმების და ბარათების მეტობა. ვფიქრობდი, რომ 5 ბარათი სავსებით ნორმალური იქნებოდა მატჩისთვის, თუმცა 4 ბარათს ტოტალიზატორები 1.5 კოეფიციენტით აფასებენ. ამის მიზეზი კი მატჩის არბიტრია, ხავიერ ალბეროლა, რომელიც ისეთი არასტბილურია ბარათების დარიგებაში, რომ დარწმუნებული ვარ თავადაც ვერ არის გარკვეული რომელ მატჩში რა დარღვევაზე უნდა გააფრთხილოს ფეხბურთელი. ამ პროგნოზში ერთადერთი რისკი არის მსაჯის მოქმედება, სხვა შემთხვევაში ფეხბურთელები აუცილებლად იუხეშებენ იმ დონეზე, რომ მათ ბარათები დაიმსახურონ. ამ პროგნოზს ისიც ამყარებს, რომ გუნდების ბოლო ოთხი ურთიერთდაპირისპირებიდან 3-ში წითელი ბარათი იქნა ნაჩვენები.

ჩვენი პროგნოზი: 3.5 მეტი ბარათი ]]> Gaucho Fri, 11 Aug 2023 17:30:43 +0400 https://picks.ge/124--chakvetadze-debut-watford.html https://picks.ge/124--chakvetadze-debut-watford.html
ჩემპიონშიპის პირველ ტურში ვოტფორდი პირველი ტაიმის შემდეგ ქპრ-ს 4-0 ს უგებდა. მეორე ტაიმში 66-ე წუთზე გიორგი ჩაკვეტაძის დებიუტი შედგა და ჩვენებურმა საკმაოდ კარგი შთაბეჭდილება დატოვა. გთავაზობთ, გიორგის მომენტებს აღნიშნული დაპირისპირებიდან.

]]> Gaucho Sun, 06 Aug 2023 14:22:01 +0400 https://picks.ge/123--dembele-barca-exit-reasons.html https://picks.ge/123--dembele-barca-exit-reasons.html
გავრცელებული ცნობების მიხედვით დემბელე ბარსას 50 მილიონი ევროს სანაცვლოდ დატოვებს და სამშობლოში, პსჟ-ში გადაბარგდება. გუნდიდან მისი წასვლის მიზეზები ნელ-ნელა უფრო ნათელი ხდება.

ბარსელონას ამერიკულ ტურნეში გამგზავრებამდე, საუბარი იყო დემბელესთან ახალი კონტრაქტის გაფორმებაზე, თუმცა დროის მოკლე პერიოდში ფეხბურთელის ირგვლივ ბევრი რამ შეიცვალა. რა მოხდა რეალურად?

ესპანური სპორტის მიხედვით, არსებობს 4 მიზეზი, რის გამოც დემბელემ გადაწყვიტა სამშობლოში 5 წლიანი კონტრაქტის გაფორმება. პირველი საკითხი კონტრაქტის საგას უკავშირდება, რომელიც 2022 წელს დაიწყო და ბარსელონამ კონტრაქტის პირობებზე დაყოლიების მიზნით დემბელე რამდენიმეჯერ განაცხადს მიღმაც დატოვა. დეკოს გუნდში დაბრუნება მეორე მიზეზად სახელდება, რადგან ფიქრობენ, რომ დეკოსთვის დემბელეს და რაფინიას შორის ბრაზილიელი ფავორიტია.

დამატებით, დემბელე ძალიან გაბრაზდა, როცა გაიგო, რომ ბარსელონამ მბაპეს სანაცვლოდ პსჟ-ს დემბელე და გავი შესთავაზა. მიუხედავად იმისა, რომ ხავიმ სცადა სიტუაციის დალაგება, როგორც ჩანს ფრანგი ფეხბურთელი აზრის შეცვლას არ აპირებს. მეოთხე მიზეზად კი ბარსელონას მენეჯმენტში დემბელეს მიმართ ორაზროვანი დამოკიდებულება სახელდება, რაც 26 წლის ფრანგის გადაწყვეტილებას დამატებით მოტივაციას უმატებს.

უსმან დემბელემ ბარსელონურ კარიერაში 185 მატჩი ჩაატარა და 40 გოლის გატანა მოახერხა. აღსანიშნავია ის ფაქტი, რომ კატალონიელებს მისი ტრანსფერი 105 მილიონი ევრო (+ ბონუსები) დაუჯდა. გაუთავებელი ტრამვებისა და ხშირ შემთხვევაში ზერელე დამოკიდებულების გამო, უსმანმა მასზე დაკისრებული იმედები ვერ გაამართლა.

მიღებული გადაწყვეტილება, ორივე მხარისთვის წესით სიკეთის მომტანი უნდა იყოს. აი პსჟ-ს როგორ გამოადგება დემბელე და რამდენად მოახერხებს კილიანის წასვლის შემდეგ დიდი დანაკლისის ამოვსებას, ეს საკითხი ნამდვილად კითხვის ნიშნის ქვეშ დგას. ]]> Gaucho Fri, 04 Aug 2023 22:30:17 +0400