ვალენსია - ხეტაფე

ესპანეთის ჩემპიონატის მორიგ ტურში ვალენსია ხეტაფეს უმასპინძლებს.

ორივე გუნდმა სეზონი ცუდად დაიწყო. 3 ტურის შემდეგ ვალენსიას ამდენივე ქულა აქვს, ხეტაფეს კი მხოლოდ 1. გატუზოს ბიჭებს შეტევაში მომენტების შექმნა გუედეშის წასვლის შემდეგ საკმაოდ უჭირთ. სატრანსფერო ფანჯრის ბოლო დღეს ღამურებმა ედინსონ კავანი დაიმატეს, რაც გუნდისთვის ნამდვილად გაძლიერებაა, თუმცა კავანიმდე ბურთის მიტანას რამდენად მოახერხებენ სხვა საკითხია. თავის მხრივ ხეტაფეც ცუდად გამოიყურება და დიდი ალბათობით, მიმდინარე სეზონში გუნდს ლა ლიგაში ადგილის შენარჩუნებისათვის მოუწევს ბრძოლა.

ბოლო 5 ურთიერთდაპირისპირებიდან, 2 ხეტაფემ მოიგო, ერთი ვალენსიამ, ხოლო ორი მატჩი ფრედ დასრულდა. ამ 5 მატჩიდან 4 ში, მსაჯმა წითელი ბარათიც გამოიყენა. ისტორიულად ამ გუნდების დაპირისპირება საკმაოდ უხეში გამოდის. მათი დღევანდელი მდგომარეობიდან გამომდინარე, ვფიქრობ რომ არც დღევანდელ შეხვედრაში მოერიდებიან ერთმანეთს, პირიქით ძალიან ბევრი ორთაბრძოლა და უხეშობა უნდა ვიხილოთ. ვფიქრობ, რომ მატჩში მინიმუმ 7 ბარათი იქნება ნაჩვენები. ვისაც რისკი უყვარს წითელ ბარათზეც შეიძლება ფსონის გაკეთება.

ჩემი პროგნოზი: 6.5 მეტი ბარათი