ბეტისი - მალიორკა

ლა ლიგის 25-ე ტურში ბეტისი მალიორკას უმასპინძლებს.

მიმდინარე სეზონში ბეტისი საკმაოდ კარგად გამოიყურება. გუნდი ლა ლიგის 3-ე ადგილზეა და ჩემპიონთა ლიგის ზონისთვის იბრძვის. ბოლოს ჩატარებული 5 შეხვედრიდან გუნდმა 3 მოიგო, ერთი ფრედ დაასრულა და ერთი დათმო. საშინაო არენაზე 12 მატჩში (მ 6, ფ 2, წ 4) ბეტისმა 23 გოლი გაიტანა, ხოლო 14 მიიღო საკუთარ კარში. შემდეგ ტურში ბეტისი სევილიას ესტუმრება, რაც გუნდისთვის საკმაოდ რთული მატჩი იქნება, ჯერ ერთი სევილიური დერბი გაიმართება და მერე მეორე სევილია ჩემპიონობისთვის იბრძვის და ქულებს არავის დაუთმობს. თავის მხრივ ბეტისს, ბარსელონა და ატლეტიკო ჩემპიონთა ლიგის საგზურის მოპოვებაში სერიოზულ კონკურენციას უწევენ, ამიტომ თითოეული ქულა გუნდისთვის გადამწყვეტია.

რაც შეეხება მალიორკას, გუნდი ლა ლიგის 16-ე ადგილზეა 26 ქულით. გასავარდნი ზონიდან გუნდი 6 ქულით არის დაშორებული და ისიც უნდა აღვნიშნოთ, რომ 2 მატჩი რეზერვში აქვს. წლეავნდელი მიზნები გუნდისთვის ნათელია, შეინარჩუნოს ადგილი ლა ლიგაში. ბოლო ორი მატჩი მალიორკამ მოიგო და შესანიშნავი განწყობით შეხვდება ამ მატჩს. გუნდი კარგ პოზიციაშია ამიტომ ზედმეტი წნეხის გარეშე მშვიდად თამაშობს ფეხბურთს. გასვლით 11 თამაშში (მ 2, ფ 2, წ 7) გუნდმა 9 გოლი გაიტანა, საკუთარ კარში კი 25 მიიღო.

ერთმანეთის წინააღმდეგ ნათამაშები ბოლო ორი მატჩი, ორივე ფრედ დასრულდა, რომელშიც ორივე გუნდმა მოახერხა თავის გამოჩენა. ჯამში ბოლო 5 დაპირისპირებაში კი მალიორკამ ვერც ერთი თამაშის მოგება ვერ შეძლო. ვფიქრობ, რომ ბეტისი შეუტევს და ყველაფერს გააკეთებს 3 ქულის მოსაპოვებლად. შემდეგი ტურის გათვალისწინებით, მათთვის ეს ქულები უმნიშვნელოვანესია. თავის მხრივ მალიორკა ეცდება ქულა მაინც წამოიღოს ამ თამაშიდან. ვფიქრობ, რომ ბეტისი ამ თამაშს მოიგებს და თამაშში 2.5 მეტი გოლი გავა. წესით ორივე გუნდმა უნდა მოახერხოს გოლის გატანა. ჩემს არჩევანს გოლების მეტობაზე შევაჩერებ 1.75 კოეფიციენტი შესანიშნავი კოეფიციენტია 2.5 მეტი გოლისთვის.

ჩვენი პროგნოზი: 2.5 მეტი გოლი