სელტა - რეალ მადრიდი

ესპანეთის ჩემპიონატის მეორე ტურში სელტა მადრიდის რეალს უმასპინძლებს.

ესპანეთის ჩემპიონატი ვიგოელებმა კარგად დაიწყეს, თუმცა მხოლოდ პირველი 70 წუთი ითამაშეს შესანიშნავად. ამ დრომდე ესპანიოლს გუნდი ანგარიშით 2-0 ამარცხებდა და 3 ქულასთან ახლოს იყო. 72 წუთზე ესპანიოლმა გოლის გატანა მოახერხა, რასაც მსაჯის მიერ კომპენსირებულ დროში კატალონიელებმა კიდევ ერთი გოლი მოაყოლეს და გუნდები მხოლოდ ფრეს დასჯერდნენ.

რეალი პირველ ტურში ალმერიას ესტუმრა. ერთი შეხედვით მადრიდელებს მარტივი 3 ქულა უნდა აეღოთ, თუმცა პირველი ნახევარი ანგარიშით 1-0 დათმეს. მეორე ნახევარში კი თამაშის გადარჩენა მოახერხეს და მინიმალური სხვაობით 2-1 სძლიეს მეტოქეს.

გუნდების ბოლო 5 დაპირისპირებაში რეალმა 4 ჯერ იმარჯვა, ერთხელ კი მატჩი ფრედ დასრულდა. ისიც უნდა ითქვას, რომ ბოლო 4 თამაშში რეალმა იზეიმა გამარჯვება და ამავდროულად 4 ივე მატჩში მინიმუმ 3 გოლი გავიდა. ვიგოელები წინა სეზონის ბოლოს საკმაოდ არასტაბილურად გამოიყურებოდნენ და ვერც წინასასეზონო ამხანაგურ თამაშებში გამოიჩინეს თავი. რეალი კი მშვენიერი განწყობით და ფორმით ხვდება ამ თამაშს. ვფიქრობ, რომ წინა მშრალი მატჩის შემდეგ, დღევანდელ თამაშში რეალის წინახაზელები მეტ ძალისხმევას გაიღებენ, რათა მათი სახელები ტაბლოზე დაეწეროს. ასევე წინა 4 ურთიერთდაპირისპირების მსგავსად, მგონია, რომ მატში საკმაოდ სანახაობრივი გამოვა და არაერთი გოლი გავა.

ჩემს არჩევანს რეალის მოგებაზე შევაჩერებ. დღევანდელი რეალი ბევრად აღემატება სელტას და არამგონია სელტას გააჩნდეს ის რესურსი და ფორმა, რომ რეალთან თუნდაც 1 ქულა აიღოს.

ჩემი პროგნოზი: 2